ԼՈԼԻԿՈՎ ՐԻԶՈՏՏՈ

ԼՈԼԻԿՈՎ ՐԻԶՈՏՏՈ

  • Նախատեսված է 4 անձի համար
  • Պատրաստման ժամանակը 15 ր.
  • Եփելու ժամանակը 40 ր.
ԱՆՀՐԱԺԵՇՏ ԲԱՂԱԴՐԻՉՆԵՐ
  • 700 գ լոլիկ
  • 4 միջին չափի սոխ
  • 4-5 թ/գ ձիթայուղ
  • 500 մլ շոգեխաշած մսի արգանակ
  • 250 գ բրինձ
  • 75 գ քերած պարմեզան
  • Աղ, պղպեղ
  • 1 պտղունց զաֆրան (ըստ ճաշակի)
ՊԱՏՐԱՍՏՄԱՆ ԵՂԱՆԱԿԸ

Լոլիկի վրա  եռացրած ջուր լցրեք, հեռացրեք կեղևը և կտրատեք: Կլպեք սոխը և կտրատեք տախտակի վրա: 2 թ/գ ձիթայուղ լցրեք թավայի մեջ, տաքացրեք և մանրեցված սոխը տապակեք՝ մինչև դրանք կդառնան կիսաթափանցիկ: Ավելացրեք լոլիկը: Խառնեք փայտե գդալով և եփեք 15-20 րոպե:
Մսի արգանակը տաքացրեք կաթսայի մեջ: Մնացած ձիթայուղը լցրեք կաթսայի մեջ և տաքանալուց հետո ավելացրեք բրինձը:
Խառնեք փայտե գդալով: Հենց որ բրինձը կիսաթափանցիկ դառնա, ավելացրեք լոլիկը, սոխը և այնքան արգանակ, որ ամեն ինչ ծածկվի:Ավելացրեք աղ և պղպեղ: Ցանկության դեպքում կարող եք նաև ավելացնել մի պտղունց զաֆրան:
Եփեք առանց կափարիչով ծածկելու: Եփեք մեղմ կրակով 18-20 րոպե՝ անընդհատ արգանակ ավելացնելով:
Մատուցելուց քիչ առաջ ավելացրեք պարմեզանը: Զգուշորեն խառնեք:
Պետք է մատուցել տաք:
Բարի ախորժակ

Ընտրացանկ