ՍՈՒՐ ԴԱՆԱԿ – ԻՆՉՊԵ՞Ս ՍՐԵԼ ՁԵՐ ԴԱՆԱԿՆԵՐԸ

Դանակները հավերժ սուր չեն մնում: Անհրաժեշտ է դրանք պարբերաբար հղկել և ժամանակ առ ժամանակ սրել:

Ինչպես հղկել դանակը

Մանրադիտակի տակ կտեսնեք, որ դանակի եզրը կազմված է հազարավոր մանր կտրող ատամներից: Օգտագործելով՝ դանակի նուրբ ատամները, ի վերջո, մաշվում են, ինչի արդյունքում դանակը բթանում է: Անհրաժեշտ է կանոնավոր կերպով հղկել ատամները՝ դանակի սայրը վերականգնելու համար :

1. ՆԱԽԱՊԱՏՐԱՍՏՈՒՄ

Դուք եք որոշում, թե որ գործիքն եք ցանկանում օգտագործել դանակները հղկելու համար՝ սովորական մեխանիկական  սրիչ, թե մետաղական սրիչ (մասատ): Մեխանիկական սրիչով իսկապես հեշտ է հղկելը: Արագ, արդյունավետ հղկման համար  պարզապես տեղադրեք սայրը անցքի մեջ և նրբորեն քաշեք այն դեպի Ձեզ մի քանի անգամ: Եթե ​​ցանկանում եք օգտագործել պողպատե սրիչ, պարզապես համոզվեք, որ այն ավելի բարձր կարծրության ունի, քան այն դանակը, որը պատրաստվում եք հղկել: Եվս մեկ կարևոր բան. երբևէ չփորձեք ինքներդ հղկել չափազանց վնասված դանակը: Դա պետք է սրվի մասնագետի կողմից:

STAY SHARP – HOW TO SHARPEN YOUR KNIVES
STAY SHARP – HOW TO SHARPEN YOUR KNIVES
2. Գտիր ճիշտ դիրքը

Լավ, եկեք սկսենք: Սկզբում պողպատե սրիչը ուղղահայաց կերպով հարմարեցրեք սեղանի կամ կտրող տախտակի վրա: Սայրի և պողպատի միջև եղած անկյունը ZWILLING դանակների համար պետք է լինի մոտավորապես 15 աստիճան: Սանտոկու ոճի, MIYABI և Kramer- ի բոլոր դանակների շեղբի և մետաղական սրիչի միջև եղած անկյունը պետք է լինեն 9-12 աստիճան:

3. Շարժման ընթացք

Դանակի շեղբը դեպի ներքև սահուն շարժումներով սահեցնում եք մետաղական սրիչի վրայով՝ դանակի շեղբի սայրի հիմքից դեպի ծայրը․սկզբում սայրի մեկ ապա մյուս կողմով։Առաջին մի քանի շարժումը պետք է կատարել ավելի մեծ ճնշում գործադրելով, այնուհետև պետք է թեթևացնել ճնշումը մինչև վերջին մի քանի շարժումը: Կրկնեք այն 3-10 անգամ `յուրաքանչյուր շարժումից հետո դանակի շեղբի կողմերը փոխելով:

STAY SHARP – HOW TO SHARPEN YOUR KNIVES

Քարե սրիչով սրումը

Եթե վնասված դանակի սայրը այլևս հնարավոր չէ վերականգնել հղկելու միջոցով, ապա այն պետք է վերականգնել այլ կերպ: Ժամանակն է կրկին սրել ձեր դանակը: Եկեք ցույց տանք, թե ինչպես:

1. ՊԱՏՐԱՍՏՈՒՄ

Սրելու համար կարող եք օգտագործել ՔԱՐԵ ՍՐԻՉ: Օգտագործելուց առաջ քարն ընկղմեք ջրի մեջ՝ մոտ հինգ րոպե: Այնուհետև տեղադրեք քարի ոչ սայթաքող կողմը դեպի ներքև՝ փայտե մակերեսի վրա: Լավագույն արդյունքի համար պահպանեք քարի խոնավությունը սրման պրոցեսի ողջ ընթացքում: Սրման ընթացքում արտադրվում է մոխրագույն հեղուկ: Սա նորմալ է և նպաստում է սրման արդյունավետ աշխատանքին:

STAY SHARP – HOW TO SHARPEN YOUR KNIVES
STAY SHARP – HOW TO SHARPEN YOUR KNIVES
2. Սրում

Այժմ դանակի բռնակը ամուր պահեք և դանակի սայրը, դեպի Ձեզ շրջելով,  տեղադրեք սրիչի վրա `10 — 20 աստիճանի անկյան տակ: Համոզվեք, որ սայրի հիմքի և քարե սրիչի միջև կա 1/4 մատնաչափ տարածություն:Ձեր ազատ ձեռքը դրեք շեղբի վրա, բայց երբեք ոչ ուղղակիորեն սուր եզրին:Պետք է բավականին լուրջ վերաբերվել այս պահին: Կտրող եզրին դիպչելը կարող է հանգեցնել լուրջ վնասվածքների, այնպես որ խնդրում ենք զգույշ լինել:

3. Շարժման ընթացք

Այժմ սահեցրեք սայրը – մի փոքր ճնշմամբ – քարե սրիչի մակերեսի վրա վերև և ներքև պարբերաբար շարժմամբ: Միշտ պահպանեք սայրի և քարե սրիչի միջև տարածութունը: Եթե դանակի շեղբը մեծ է, այն մտովի բաժանեք երեք մասի:Միշտ սկսեք սայրի ծայրից դեպի հիմք:Արդեն մի քանի շարժումից հետո կնկատեք արդյունքը։

STAY SHARP – HOW TO SHARPEN YOUR KNIVES
STAY SHARP – HOW TO SHARPEN YOUR KNIVES
4. Մյուս կողմի սրումը

Այժմ դանակը շրջեք այնպես, որ սայրը դեպի Ձեզ չլինի : Շարունակեք պահպանել 10 — 20 աստիճանի անկյունը և մոտավոր տարածությունը սրիչի և շեղբի միջև: Սայրի հետևի մասի և սրիչի միջև 5 մմ հեռավորություն պահելով՝ սահեցրեք սայրը – մի փոքր ճնշմամբ – քարե սրիչի մակերեսի վրա վերև և ներքև պարբերաբար շարժմամբ:Բավական է սայրի յուրաքանչյուր կողմի համար հինգից մինչև տաս անգամ սահեցումը:

5. Վերջում

Դանակի վրա առաջացած նստվածքը հանելու համար դանակը քարի վրա սահեցրեք վերևի ձախ հատվածից ներքևի աջ հատված: Այնուհետև դանակը պահեք հոսող ջրի տակ, լվացեք և լավ չորացրեք:Քարե սրիչը պահեք զով, չոր տեղում `արևի ուղիղ ճառագայթներից հեռու:

STAY SHARP – HOW TO SHARPEN YOUR KNIVES
STAY SHARP – HOW TO SHARPEN YOUR KNIVES

Դանակի սրությունը ստուգելու համար կարող եք թուղթ օգտագործել:Եթե ​​դանակի սայրը հիանալի սրված է, այն շատ հեշտությամբ կկտրի թղթի կտորը՝ առանց որևէ ճնշում գործադրելու: Եթե ​​Ձեզ դեռ չի բավարարում ձեր դանակի սրությունը, սրելու պրոցեսը կրկնեք այնքան անգամ, մինչև կհասնեք ցանկալի արդյունքի:

ԿԱՐՃ ՏԵՍԱՀՈԼՈՎԱԿ ԴԱՆԱԿՆԵՐԻ ՀՄՏՈՒԹՅՈՒՆՆԵՐԻ ՄԱՍԻՆ
0