Դանակները հավերժ սուր չեն մնում: Անհրաժեշտ է դրանք պարբերաբար հղկել և ժամանակ առ ժամանակ սրել:
Ինչպես հղկել դանակը
Վերականգնեք դանակի սայրը
Մանրադիտակի տակ կտեսնեք, որ դանակի եզրը կազմված է հազարավոր մանր կտրող ատամներից: Օգտագործելով՝ դանակի նուրբ ատամները, ի վերջո, մաշվում են, ինչի արդյունքում դանակը բթանում է: Անհրաժեշտ է կանոնավոր կերպով հղկել ատամները՝ դանակի սայրը վերականգնելու համար :
1. ՆԱԽԱՊԱՏՐԱՍՏՈՒՄ
Դուք եք որոշում, թե որ գործիքն եք ցանկանում օգտագործել դանակները հղկելու համար՝ սովորական մեխանիկական սրիչ, թե մետաղական սրիչ (մասատ): Մեխանիկական սրիչով իսկապես հեշտ է հղկելը: Արագ, արդյունավետ հղկման համար պարզապես տեղադրեք սայրը անցքի մեջ և նրբորեն քաշեք այն դեպի Ձեզ մի քանի անգամ: Եթե ցանկանում եք օգտագործել պողպատե սրիչ, պարզապես համոզվեք, որ այն ավելի բարձր կարծրության ունի, քան այն դանակը, որը պատրաստվում եք հղկել: Եվս մեկ կարևոր բան. երբևէ չփորձեք ինքներդ հղկել չափազանց վնասված դանակը: Դա պետք է սրվի մասնագետի կողմից:
2. Գտիր ճիշտ դիրքը
Լավ, եկեք սկսենք: Սկզբում պողպատե սրիչը ուղղահայաց կերպով հարմարեցրեք սեղանի կամ կտրող տախտակի վրա: Սայրի և պողպատի միջև եղած անկյունը ZWILLING դանակների համար պետք է լինի մոտավորապես 15 աստիճան: Սանտոկու ոճի, MIYABI և Kramer- ի բոլոր դանակների շեղբի և մետաղական սրիչի միջև եղած անկյունը պետք է լինեն 9-12 աստիճան:
3. Շարժման ընթացք
Դանակի շեղբը դեպի ներքև սահուն շարժումներով սահեցնում եք մետաղական սրիչի վրայով՝ դանակի շեղբի սայրի հիմքից դեպի ծայրը․սկզբում սայրի մեկ ապա մյուս կողմով։Առաջին մի քանի շարժումը պետք է կատարել ավելի մեծ ճնշում գործադրելով, այնուհետև պետք է թեթևացնել ճնշումը մինչև վերջին մի քանի շարժումը: Կրկնեք այն 3-10 անգամ `յուրաքանչյուր շարժումից հետո դանակի շեղբի կողմերը փոխելով:
Քարե սրիչով սրումը
Վերականգնել դանակի սայրը
Եթե վնասված դանակի սայրը այլևս հնարավոր չէ վերականգնել հղկելու միջոցով, ապա այն պետք է վերականգնել այլ կերպ: Ժամանակն է կրկին սրել ձեր դանակը: Եկեք ցույց տանք, թե ինչպես:
1. ՊԱՏՐԱՍՏՈՒՄ
Սրելու համար կարող եք օգտագործել ՔԱՐԵ ՍՐԻՉ: Օգտագործելուց առաջ քարն ընկղմեք ջրի մեջ՝ մոտ հինգ րոպե: Այնուհետև տեղադրեք քարի ոչ սայթաքող կողմը դեպի ներքև՝ փայտե մակերեսի վրա: Լավագույն արդյունքի համար պահպանեք քարի խոնավությունը սրման պրոցեսի ողջ ընթացքում: Սրման ընթացքում արտադրվում է մոխրագույն հեղուկ: Սա նորմալ է և նպաստում է սրման արդյունավետ աշխատանքին:
2. Սրում
Այժմ դանակի բռնակը ամուր պահեք և դանակի սայրը, դեպի Ձեզ շրջելով, տեղադրեք սրիչի վրա `10 — 20 աստիճանի անկյան տակ: Համոզվեք, որ սայրի հիմքի և քարե սրիչի միջև կա 1/4 մատնաչափ տարածություն:Ձեր ազատ ձեռքը դրեք շեղբի վրա, բայց երբեք ոչ ուղղակիորեն սուր եզրին:Պետք է բավականին լուրջ վերաբերվել այս պահին: Կտրող եզրին դիպչելը կարող է հանգեցնել լուրջ վնասվածքների, այնպես որ խնդրում ենք զգույշ լինել:
3. Շարժման ընթացք
Այժմ սահեցրեք սայրը – մի փոքր ճնշմամբ – քարե սրիչի մակերեսի վրա վերև և ներքև պարբերաբար շարժմամբ: Միշտ պահպանեք սայրի և քարե սրիչի միջև տարածութունը: Եթե դանակի շեղբը մեծ է, այն մտովի բաժանեք երեք մասի:Միշտ սկսեք սայրի ծայրից դեպի հիմք:Արդեն մի քանի շարժումից հետո կնկատեք արդյունքը։
4. Մյուս կողմի սրումը
Այժմ դանակը շրջեք այնպես, որ սայրը դեպի Ձեզ չլինի : Շարունակեք պահպանել 10 — 20 աստիճանի անկյունը և մոտավոր տարածությունը սրիչի և շեղբի միջև: Սայրի հետևի մասի և սրիչի միջև 5 մմ հեռավորություն պահելով՝ սահեցրեք սայրը – մի փոքր ճնշմամբ – քարե սրիչի մակերեսի վրա վերև և ներքև պարբերաբար շարժմամբ:Բավական է սայրի յուրաքանչյուր կողմի համար հինգից մինչև տաս անգամ սահեցումը:
5. Վերջում
Դանակի վրա առաջացած նստվածքը հանելու համար դանակը քարի վրա սահեցրեք վերևի ձախ հատվածից ներքևի աջ հատված: Այնուհետև դանակը պահեք հոսող ջրի տակ, լվացեք և լավ չորացրեք:Քարե սրիչը պահեք զով, չոր տեղում `արևի ուղիղ ճառագայթներից հեռու:
ԻՆՔՆԱՍՐՈՂ ՊԱՀՈՑ։ ՍՐԵՔ ԱՄԲՈՂՋ ԿՅԱՆՔԻ ԸՆԹԱՑՔՈՒՄ
Սուր դանակներն անվտանգ են. շատ քիչ ջանք են պահանջում դրանք օգտագործելիս:
Եվ հիմա սրելու տեխնոլոգիայով պահոցները այստեղ են, որպեսզի ապահովեն ձեր դանակների անհրաժեշտ սրությունը: Դանակների ինքնասրող տեխնոլոգիայով պահոցը պաշտպանում է ձեր դանակները վնասվելուց և այլևս անհրաժեշտություն չի լինում դրանք առանձին սրելու: Այլևս պետք չէ մտածել այն մասին, թե երբ է ձեր դանակները սրելու ճիշտ ժամանակը կամ ինչպես դա անել ճիշտ ձևով: Ամեն անգամ դանակ հանելուց կամ հետ մտցնելուց հետո դանակի սայրը ավտոմատ կերպով սրվում է, և դանակները միշտ սուր են մնում՝ առանց որևէ լրացուցիչ ջանքերի:
Դանակի սրությունը ստուգելու վերջնական թեստը
Դանակի սրությունը ստուգելու համար կարող եք թուղթ օգտագործել:Եթե դանակի սայրը հիանալի սրված է, այն շատ հեշտությամբ կկտրի թղթի կտորը՝ առանց որևէ ճնշում գործադրելու: Եթե Ձեզ դեռ չի բավարարում ձեր դանակի սրությունը, սրելու պրոցեսը կրկնեք այնքան անգամ, մինչև կհասնեք ցանկալի արդյունքի: