Կիտրոնի տորթ՝ կապուչինոյի կրեմով

Աղանդեր, որը ստիպում է, որ արևը շողա նույնիսկ ձմռանը:

Նախատեսված է
4 անձի համար

Պատրաստման ժամանակը
70 ր.

Անհրաժեշտ բաղադրիչներ
Կապուչինոյի կրեմի համար.
300 գ սերուցք
1 վանիլային պատիճ
35 գ շաքարավազ
3 ձվի դեղնուց
1 թ/գ էսպրեսսոյի փոշի
Մրգեր զարդարելու համար

Կիտրոնի տորթի համար.
240 գ կարագ
4 ձու
240 գ ալյուր
1 թ/գ փխրեցուցիչ
4 պտղունց աղ
350 գ շաքարավազ
3 կիտրոնի կեղևի քերուկ
55 գ թարմ սերուցք (crème fraîche)

Զարդարելու համար
1/2 մանգո
1 թ/գ ծիրանի միջուկ (ջեմ)
Կես նարնջի բարակ կտրտած շերտեր
50 մլ շաքարի օշարակ
Մի քիչ նռան սիրոպ (Grenadine)

Պատրաստման եղանակը
Կապուչինոյի կրեմը պատրաստելու համար կաթսայի մեջ սերուցքը խառնեք վանիլային պատիճի և էսպրեսսոյի փոշու հետ և եռացրեք: Ձվի դեղնուցները հարեք շաքարավազի հետ: Սերուցքը եռացնելուց հետո լցրեք ձվի դեղնուցների վրա: Լավ խառնեք և անցկացրեք մանր մաղի միջով և թողեք, որ սառչի:
Ջեռոցը նախապես տաքացրեք 80 °- ով: Կապուչինոյի կրեմը լցրեք փոքր չափաբաժնի համար նախատեսված 4 չուգունե կամ կերամիկական կաթսայի մեջ: Դրանք տեղավորեք թխման խորը սկուտեղի մեջ, որը լցված է ջրով: Թխեք նախապես տաքացրած ջեռոցի մեջ՝ ջեռոցի մեջտեղի հատվածում՝ 50 րոպե: Հանեք և թողեք, որ սառչի:
Կիտրոնի տորթի համար ջեռոցը նախապես տաքացրեք 120 °- ով: Լիմոնները լվացեք տաք ջրի մեջ, լավ չորացրեք և նրբորեն քերեք կեղևը: Քերուկը մի լավ հարեք կարագի, շաքարավազի և աղի հետ: Այնուհետև աստիճանաբար ավելացրեք ձվերը: Ալյուրը և փխրեցուցիչը խառնուրդին ավելացնելուց առաջ անհրաժեշտ է երկու անգամ մաղով անցկացնել: Զգուշորեն խառնուրդը խառնեք մաքուր սերուցքի հետ և տարածեք սկուտեղի մեջ փռած թխման թղթի (կալկա) վրա: Թխեք ջեռոցի միջին հատվածում՝ 120°-ով, մոտ 15 րոպե:Սկուտեղից հանելուց առաջ թողեք, որ տորթը սառչի:
Զարդարեք մանգոյի կտորներով: Կտրեք կես մանգո և խառնեք ծիրանի ջեմի հետ:Նարնջի շերտերը հարկավոր է մարինացնել նռան մրգահյութի մեջ, այնուհետև խառնեք շաքարի օշարակի խառնուրդով ․ տորթին իսկապես առանձնահատուկ տեսք և համ է տալիս: Կապուչինոյի կրեմը կարելի է զարդարել հապալասով, ազնվամորիով կամ թզան փոքր կտորներով:Ամենավերջում զարդարեք մի քանի անանուխի տերևներով և վրան մի քիչ շաքարի փոշի ցանեք:
Բարի ախորժակ

0