Լցոնած պղպեղ

Բանջարեղենը, մոցարելլա պանիրը և տոմատի սոուսը դասական բաղադրիչներն են: Այս ամենին կլրացնի  հորթի աղացած միսը:

Նախատեսված է
4 անձի համար
Պատրաստվում է
60 ր.

ԱՆՀՐԱԺԵՇՏ ԲԱՂԱԴՐԻՉՆԵՐ

5 կարմիր պղպեղ
2 սոխ
100 գ բասմատի բրինձ
Աղ
Թարմ աղացած սև պղպեղ
200 մլ բանջարեղենի բուլյոն
4 – 5 ձու
համեմունք ՝ ռեհան, մաղադանոս և ուրց
1 մանր կտրատած սխտոր
2 ճ/գ ձիթապտղի յուղ
500 մլ տոմատի մածուկ
250 մլ չոր սպիտակ գինի
250 գ մոցարելլա պանիր
400 գ աղացած տավարի միս (տավարի միս, խոզի միս, հորթի միս)
Բանջարեղենի բուլյոն պատրաստելու համար Ձեզ անհրաժեշտ է գազար, սունկ, նեխուր, սոխ և սխտոր։
ՊԱՏՐԱՍՏՄԱՆ ԵՂԱՆԱԿԸ
Ջեռոցը տաքացրեք 150 ° – ով
Սոուսը պատրաստելու համար մաքրեք մեկ պղպեղ և կտրեք այն խորանարդիկների տեսքով: Չկպչող թավայում 1 ճ/գ ձիթապտղի յուղի մեջ մանրեցված սխտորի հետ տապակեք խորանարդիկներով կտրտած պղպեղը։Վրան ավելացրեք տոմատի մածուկը, ցածր կրակի վրա մի քիչ խառնեք և թավան վերցրեք կրակի վրայից:
Բրինձը պատրաստելու համար սոխը մանր կտրատեք և 1 ճաշի գդալ ձիթայուղի մեջ տապակեք: Ավելացրեք բրինձը, խառնեք և լցրեք չոր սպիտակ գինին: Ավելացրեք բանջարեղենի բուլյոնը և խառնեք այնքան ժամանակ, մինչև հեղուկը լրիվ գոլորշիանա: Համեմք աղով և պղպեղով:
Այժմ լվացեք մնացած պղպեղները, զգուշորեն կտրեք գլխիկները կափարիչաձև, հանեք սերմերն այնպես, որ «պատիճները» չվնասվեն:
Միջուկը պատրաստելու համար խառնեք աղացած միսը, ձուն, քերած մոցարելլա պանիրը և լավ մանրեցված խոտաբույսերը մեկ ամանի մեջ: Դրան ավելացրեք եփած բրինձը:
Լցոնեք պղպեղը խառնուրդով, գլխիկներով ամուր փակեք պղպեղի բերանը:
Լցրեք տոմատի սոուսը ջեռոցի համար նախատեսված ամանի մեջ և դասավորեք լցոնած պղպեղները: Կափարիչով ծածկեք և եփեք ջեռոցի մեջ մոտ 30 րոպե:
Բարի ախորժակ
0